ᱟᱹᱰᱤ ᱥᱮᱫᱟᱭ ᱨᱮ ᱦᱟᱯᱲᱟᱢ ᱠᱚ ᱰᱟᱺᱜᱽᱨᱤ ᱠᱟᱰᱟ ᱠᱚ ᱟᱹᱰᱤ ᱠᱚ ᱠᱷᱟᱴᱟᱣ ᱠᱮᱫ ᱠᱚᱣᱟ ᱵᱟᱝ ᱠᱚ ᱫᱩᱞᱟᱹᱲ ᱡᱚᱛᱚᱱ ᱞᱮᱫ ᱠᱚᱣᱟ ᱟᱨ ᱵᱟᱝ ᱠᱚ ᱥᱟᱨᱦᱟᱣ ᱞᱮᱫ ᱠᱚ ᱛᱟᱦᱮᱸᱫᱚᱜ᱾ ᱟᱫᱚ ᱚᱱᱟ ᱛᱮ ᱰᱟᱺᱜᱽᱨᱤ ᱠᱟᱰᱟ ᱠᱚ ᱫᱚ ᱟᱹᱰᱤ ᱥᱟᱺᱜᱤᱧ ᱵᱩᱨᱩ ᱠᱚ ᱧᱤᱨ ᱮᱱᱟ᱾ ᱧᱤᱨ ᱛᱟᱭᱚᱢ ᱢᱟᱱᱣᱟ ᱠᱚ ᱥᱤᱧ ᱵᱤᱨᱼᱢᱟᱱ ᱵᱤᱨ ᱜᱚᱴᱟ ᱯᱟᱲᱟ ᱠᱚ ᱯᱟᱱᱛᱮ ᱠᱮᱫ ᱠᱚᱣᱟ ᱵᱟᱝ ᱠᱚ ᱧᱟᱢ ᱫᱟᱲᱮᱭᱟᱫ ᱠᱚ ᱛᱟᱦᱮᱸ ᱠᱟᱱᱟ᱾ ᱛᱟᱭᱱᱚᱢ ᱫᱚ ᱢᱟᱱᱣᱟ ᱠᱚ ᱢᱟᱨᱟᱝ ᱵᱩᱨᱩ ᱫᱤᱥᱟᱹ ᱠᱟᱛᱮ ᱡᱟᱦᱮᱨ ᱨᱮ ᱵᱚᱸᱜᱟ ᱠᱚ ᱨᱩᱢ ᱰᱟᱠᱟᱣ ᱠᱮᱫ ᱠᱚᱣᱟ᱾ ᱩᱱ ᱨᱮ ᱵᱚᱸᱜᱟ ᱠᱚ ᱞᱟᱹᱭ ᱠᱮᱫᱼᱟ ᱡᱮ ᱰᱟᱺᱜᱽᱨᱤᱼᱠᱟᱰᱟ ᱠᱚ ᱵᱟᱝ ᱯᱮ ᱥᱟᱨᱦᱟᱣ ᱞᱮᱫ ᱠᱚᱣᱟ ᱚᱱᱟ ᱫᱤ ᱛᱮ ᱩᱱᱠᱩᱣᱟᱜ ᱫᱟᱭᱟ ᱧᱮᱞ ᱠᱟᱛᱮ ᱟᱞᱮ ᱜᱮ ᱞᱮ ᱫᱟᱱᱟᱝ ᱟᱠᱟᱫ ᱠᱚᱣᱟ, ᱵᱩᱨᱩ ᱛᱮ ᱡᱩᱫᱤ ᱯᱮ ᱫᱩᱞᱟᱹᱲ ᱠᱚᱣᱟ ᱥᱟᱨᱦᱟᱣ ᱠᱚᱣᱟ ᱟᱨ ᱨᱟᱹᱥᱠᱟᱹ ᱚᱪᱚ ᱠᱚᱣᱟ ᱯᱮ ᱟᱨ ᱟᱞᱮ ᱛᱟᱦᱮᱱ ᱜᱚᱲᱟ ᱨᱮᱯᱮ ᱵᱚᱸᱜᱟ ᱵᱳᱨᱳᱜᱼᱟ ᱮᱱᱠᱷᱟᱱ ᱢᱤᱫ ᱥᱤᱨᱟᱹ ᱛᱮ ᱥᱟᱭ ᱥᱤᱨᱟᱹ ᱠᱚ ᱵᱟᱹᱰᱩᱜᱼᱟ ᱟᱨ ᱢᱚᱴᱷᱮ ᱵᱟᱠᱚ ᱦᱟᱲᱟᱜ ᱵᱚᱪᱚᱜᱚᱜᱼᱟ᱾ ᱮᱱᱠᱷᱟᱱ ᱜᱮ ᱚᱱᱟ ᱠᱟᱛᱷᱟ ᱠᱚ ᱥᱟᱹᱨᱤ ᱟᱫᱟᱜᱼᱟ᱾ ᱚᱱᱟ ᱛᱟᱭᱱᱚᱢ ᱰᱟᱺᱜᱽᱨᱤᱼᱠᱟᱰᱟ ᱠᱚ ᱧᱟᱢ ᱨᱩᱣᱟᱹᱲ ᱠᱮᱫ ᱠᱚᱣᱟ᱾ ᱩᱱ ᱡᱷᱚᱜ ᱠᱷᱚᱱ ᱜᱮ ᱥᱚᱦᱨᱟᱭ ᱵᱚᱸᱜᱟ ᱫᱚ ᱠᱚ ᱯᱮᱨᱮᱡᱻᱩᱢᱟᱹᱬ ᱠᱚᱣᱟ᱾ ᱚᱱᱟ ᱫᱤ ᱛᱮ ᱥᱚᱦᱨᱟᱭ ᱧᱩᱛᱩᱢ ᱠᱮᱫᱼᱟ᱾ ᱟᱨ ᱵᱚ ᱵᱚᱸᱜᱟ ᱭᱮᱫ ᱠᱟᱱᱟ ᱱᱤᱛ ᱫᱷᱟᱹᱨᱤᱡ ᱦᱚᱸ᱾
ᱚᱱᱟ ᱛᱮᱜᱮ ᱟᱵᱚ ᱡᱟᱦᱮᱨ ᱨᱮᱵᱚᱱ ᱵᱚᱸᱜᱟ ᱵᱳᱨᱳᱜ ᱠᱟᱱᱟ᱾ ᱟᱵᱚ ᱢᱟᱱᱣᱟ ᱠᱚ ᱫᱚ ᱥᱚᱨᱦᱟᱭ ᱵᱚᱸᱜᱟ ᱢᱩᱞᱩᱜ ᱜᱮᱞ ᱯᱮ ᱢᱟᱦᱟ ᱨᱮ ᱜᱚᱴ ᱫᱚ ᱵᱚᱸᱜᱟᱜᱼᱟ᱾ ᱟᱨ ᱫᱚᱥᱟᱨ ᱦᱤᱞᱚᱜ ᱫᱚ ᱜᱚᱲᱟ ᱨᱮ ᱵᱚᱱ ᱵᱚᱸᱜᱟᱭᱟ ᱟᱨ ᱠᱩᱱᱟᱹᱢᱤ ᱦᱤᱞᱚᱜ ᱫᱚ ᱠᱚ ᱠᱷᱩᱱᱴᱟᱹᱣ ᱠᱚᱣᱟ᱾
ᱢᱚᱱᱮ ᱨᱮᱭᱟᱜ ᱠᱟᱛᱷᱟ ᱯᱷᱚᱴᱮᱞ ᱥᱚᱫᱚᱨ ᱢᱮ !