ᱚᱠᱛᱚ ᱜᱟᱰᱟ ᱞᱤᱸᱜᱤᱱ ᱠᱟᱱᱟ
ᱥᱤᱧ ᱧᱤᱫᱟᱹ ᱵᱚᱦᱚᱲᱼᱵᱚᱦᱚᱲ᱾
ᱟᱢᱫᱚ ᱪᱮᱫᱟᱜ ᱢᱮᱱᱟᱢ ᱩᱯᱟᱹᱥᱤ
ᱠᱟᱹᱢᱤᱨᱮ ᱢᱚᱱᱮ ᱡᱚᱦᱚᱲ᱿
ᱧᱩᱛ ᱧᱩᱦᱩᱢ ᱧᱤᱫᱟᱹ ᱨᱮ ᱢᱮᱱᱟᱜ
ᱫᱷᱚᱨᱚᱢ ᱥᱟᱶᱛᱟ ᱡᱟᱹᱛᱤ᱾
ᱩᱱᱟᱹᱢᱤ ᱧᱩᱛ ᱨᱮ ᱡᱮᱞᱮᱠ
ᱡᱩᱞᱩᱜ ᱵᱷᱟᱜᱽ ᱡᱩᱞᱩᱝ ᱵᱟᱹᱛᱤ᱿
ᱚᱠᱛᱚ ᱨᱮᱱᱟᱝ ᱧᱩᱛᱟᱹᱛ ᱨᱮ
ᱫᱟᱱᱟᱝᱚᱜ ᱠᱟᱱ ᱟᱭᱳ ᱟᱲᱟᱝ᱾
ᱚᱱᱟ ᱵᱟᱧᱪᱟᱣ ᱞᱟᱹᱜᱤᱫ ᱢᱚᱱ ᱨᱮ
ᱠᱩᱨᱩ ᱢᱩᱴᱩᱭ ᱢᱮ ᱟᱢᱫᱚ ᱢᱟᱬᱟᱝ᱿
ᱥᱟᱶᱛᱟ ᱛᱟᱞᱟ ᱨᱮ ᱟᱢ ᱜᱮ ᱡᱩᱫᱤ
ᱫᱚᱦᱚ ᱥᱟᱱᱟᱢ ᱟᱢᱟᱜ ᱧᱩᱛᱩᱢ᱾
ᱫᱮ ᱱᱤᱛ ᱠᱷᱚᱱ ᱜᱮ ᱞᱟᱦᱟᱭ ᱞᱟᱹᱜᱤᱫ
ᱪᱷᱩᱴᱟᱹᱜ ᱢᱮ ᱫᱷᱩᱢ ᱠᱷᱩᱢ᱿
ᱟᱹᱣᱲᱤ ᱠᱟᱹᱢᱤ ᱨᱮ ᱟᱢ ᱡᱩᱫᱤ
ᱚᱠᱛᱚ ᱛᱟᱢᱮᱢ ᱜᱚᱡᱟ᱾
ᱡᱤᱭᱚᱱ ᱵᱷᱩᱨᱮᱢ ᱵᱷᱩᱸᱡᱟᱣ ᱧᱟᱢᱟ
ᱫᱩᱠ ᱫᱟᱺᱫᱤ ᱨᱮᱱᱟᱝ ᱵᱚᱡᱷᱟ᱿
ᱡᱟᱹᱛᱤ ᱥᱟᱶᱛᱟ ᱢᱮᱱᱟᱜ ᱛᱟᱢᱟ
ᱧᱮᱞ ᱢᱮᱥᱮ ᱥᱟᱛᱟᱨ ᱜᱟᱛᱟᱨ᱾
ᱡᱚᱜᱟᱣ ᱠᱟᱛᱮ ᱫᱚᱦᱚᱭ ᱛᱟᱢ ᱢᱮ
ᱥᱩᱞᱩᱠ ᱥᱩᱥᱟᱹᱨ ᱥᱟᱶᱟᱨ᱿
Written by ᱞᱤᱪᱟᱹᱲ ᱞᱟᱹᱣᱲᱤᱭᱟᱹ ᱦᱚᱨᱤ ᱯᱚᱫᱚ ᱢᱩᱨᱢᱩ
Published on Arsi (ᱵᱟᱹᱭᱥᱟᱹᱠ – ᱟᱥᱟᱲ, 2013)
ᱢᱚᱱᱮ ᱨᱮᱭᱟᱜ ᱠᱟᱛᱷᱟ ᱯᱷᱚᱴᱮᱞ ᱥᱚᱫᱚᱨ ᱢᱮ !