᱑ᱹ ᱡᱤᱞ ᱡᱟᱝ ᱫᱚ ᱚᱴᱟᱝ ᱮᱱ,
ᱮᱫᱮᱞ ᱛᱩᱞᱟᱹᱢ
ᱦᱟᱨᱛᱟ ᱛᱮᱫ ᱫᱚ ᱛᱟᱸᱦᱮ ᱮᱱ᱾
᱒ᱹ ᱦᱟᱢᱟᱞ ᱠᱟᱹᱢᱤ ᱵᱟᱭ ᱞᱟᱸᱜᱟ
ᱛᱩᱞᱟᱹ
ᱡᱤᱭᱤ ᱵᱟᱹᱱᱩᱜ ᱡᱨᱮᱧ᱾
ᱵᱟᱨᱭᱟ ᱠᱷᱩᱨᱟᱹ ᱛᱩᱨᱩᱭ ᱡᱟᱸᱜᱟ
ᱫᱮᱭᱟ ᱨᱮᱛᱟᱭ ᱫᱮᱨᱮᱧ᱿
᱓ᱹ ᱟᱵᱮᱨ ᱵᱟᱛᱟ ᱵᱟᱹᱱᱩᱜ ᱛᱟᱠᱚ
ᱜᱩᱸᱜᱩ
ᱚᱲᱟ ᱜᱟᱠᱚ ᱚᱥᱟᱨ᱾
ᱪᱮᱛᱟᱱ ᱨᱮᱫᱚ ᱥᱮᱱᱮᱨ ᱛᱟᱠᱚ
ᱥᱟᱹᱲᱤᱢ ᱛᱟᱠᱚ ᱞᱟᱴᱟᱨ᱿
᱔ᱹ ᱵᱟᱠᱚ ᱧᱮᱞᱚᱜ ᱥᱤᱧ ᱵᱷᱩᱨ ᱫᱚ
ᱵᱟᱫᱽᱲᱟ
ᱧᱤᱫᱟᱹ ᱫᱚᱠᱚ ᱫᱟᱸᱬᱟᱭ᱾
ᱡᱟᱹᱯᱤᱫ ᱟᱠᱚ ᱚᱲᱟᱜ ᱨᱮᱫᱚ
ᱪᱚᱴ ᱥᱮᱫ ᱠᱚ ᱡᱟᱸᱜᱟᱭ᱿
᱕ᱹ ᱰᱩᱜᱤ ᱨᱮᱫᱚᱭ ᱡᱤᱭᱤ ᱭᱟᱱᱟ
ᱵᱟᱹᱦᱩ, ᱫᱟᱹᱣᱲᱟᱹ ᱛᱩᱜᱛᱩᱞ ᱠᱚ ᱟᱨ ᱚᱛ
ᱛᱟᱞᱟ ᱨᱮᱫᱚ ᱵᱟᱝ᱾
ᱯᱷᱮᱰᱟᱛ ᱨᱮᱦᱚᱸᱭ ᱡᱤᱭᱤ ᱭᱟᱱᱟ
ᱞᱟᱛᱟᱨ ᱨᱮᱫᱚ ᱵᱟᱝ᱿
᱖ᱹ ᱨᱚᱫ ᱠᱟᱹᱧ ᱢᱮ ᱱᱟᱹᱠᱤᱡ ᱠᱟᱹᱧ ᱢᱮ
ᱴᱚᱨᱚᱰᱟᱝ
ᱟᱲᱮ ᱞᱟᱛᱟᱨ ᱨᱮ ᱥᱩᱸᱫᱩᱡ ᱠᱟᱹᱧ ᱢᱮ᱾
᱗ᱹ ᱜᱚᱴᱟ ᱯᱟᱲᱟ ᱥᱟᱶᱲᱤ ᱛᱮ ᱫᱚ
ᱱᱟᱨᱠᱚᱲ
ᱯᱚᱴᱚᱢ ᱮᱥᱮᱫ ᱫᱷᱤᱨᱤ᱾
ᱢᱮᱱᱟᱜ ᱛᱟᱞᱟ ᱢᱟᱞᱟ ᱨᱮᱫᱚ
ᱪᱮᱦᱮᱞ ᱪᱮᱯᱮᱞ ᱯᱩᱸᱠᱷᱨᱤ᱾
᱘ᱹ ᱡᱟᱨᱜᱮ ᱡᱟᱹᱯᱩᱫ ᱴᱤᱴᱤᱬᱦᱤᱸᱡ
ᱪᱟᱛᱚᱢ
ᱢᱤᱫᱴᱟᱹᱝ ᱜᱮᱛᱟᱭ ᱡᱟᱸᱜᱟ
ᱵᱟᱭ ᱫᱟᱜᱽ ᱨᱮ ᱯᱷᱤᱬᱤᱯᱷᱤᱸᱴ
ᱩᱠᱩᱭ ᱛᱟᱭᱟᱭ ᱡᱟᱸᱜᱟ᱾
᱙ᱹ ᱟᱸᱡᱮᱫ ᱨᱚᱦᱚᱲ ᱯᱩᱠᱷᱨᱤ ᱢᱟᱛᱚ
ᱢᱮᱫ
ᱫᱟᱜ ᱜᱮ ᱵᱟᱭ ᱧᱮᱞᱚᱜ
ᱯᱟᱞᱦᱟ ᱛᱟᱱᱟᱜ ᱧᱩᱨᱟᱹᱜ ᱨᱮᱫᱚ
ᱯᱮᱨᱮᱡ ᱠᱟᱛᱮ ᱥᱟᱨᱮᱲᱚᱜ᱾
᱑᱐ᱹ ᱦᱚᱯᱚᱱ ᱦᱚᱯᱚᱱ ᱞᱮᱴᱠᱟ ᱪᱮᱬᱮ
ᱰᱤᱵᱽᱨᱤ
ᱢᱤᱫ ᱚᱲᱟᱜ ᱮ ᱡᱤᱞ
ᱵᱷᱤᱸᱡᱟ ᱵᱷᱟᱺᱡᱤ ᱠᱟᱛᱮ ᱚᱱᱮ
ᱚᱲᱟᱜ ᱯᱮᱨᱮᱡ ᱤᱛᱤᱞ᱾
ᱢᱚᱱᱮ ᱨᱮᱭᱟᱜ ᱠᱟᱛᱷᱟ ᱯᱷᱚᱴᱮᱞ ᱥᱚᱫᱚᱨ ᱢᱮ !