ᱫᱚᱝ ᱥᱮᱨᱮᱧ

᱑ᱹ
ᱡᱟᱱᱟᱢ ᱯᱟᱨᱥᱤ ᱛᱮᱫᱚ ᱨᱚᱲ ᱡᱚᱝ ᱢᱮ
ᱚᱞᱚᱜ ᱯᱟᱲᱦᱟᱣ ᱫᱚ ᱥᱮᱬᱟ ᱡᱚᱝ ᱢᱮ᱾
ᱦᱤᱥᱠᱟᱹ ᱦᱩᱞᱩᱝ ᱫᱚ ᱵᱟᱹᱜᱤ ᱡᱚᱝ ᱢᱮ
ᱥᱩᱞᱩᱠ ᱥᱟᱹᱜᱟᱹᱭ ᱫᱚ ᱫᱚᱦᱚ ᱡᱚᱝ ᱢᱮ᱾

᱒ᱹ
ᱡᱟᱱᱟᱢ ᱯᱟᱨᱥᱤ ᱛᱮᱫᱚ ᱨᱚᱲ ᱨᱮᱫᱚ
ᱛᱚᱵᱮ ᱟᱸᱢᱟᱜ ᱯᱟᱨᱥᱤ ᱦᱟᱨᱟ ᱜᱚᱫᱚᱜ᱾
ᱞᱟᱠᱪᱟᱨ ᱫᱷᱚᱨᱚᱢ ᱟᱹᱨᱤᱪᱟᱹᱞᱤ ᱢᱟᱱᱟᱣ ᱨᱮᱫᱚ,
ᱛᱮᱵᱮ ᱥᱚᱢᱟᱡᱽ ᱡᱟᱹᱛᱤ ᱡᱤᱭᱟᱹᱲ ᱜᱚᱫᱚᱜ᱾

᱓ᱹ
ᱢᱤᱫ ᱫᱷᱟᱣ ᱛᱮ ᱢᱤᱫ ᱢᱟᱸᱦᱟ ᱛᱮᱫᱚ,
ᱢᱟᱞ ᱯᱚᱨᱚᱵ ᱫᱚ ᱢᱟᱱᱟᱣ ᱢᱮ ᱫᱚ᱾
ᱛᱚᱵᱮ ᱡᱩᱜᱩᱫ ᱡᱩᱢᱤᱫᱽ ᱧᱮᱞ ᱜᱚᱫᱚᱜ
ᱥᱟᱨᱤ ᱫᱷᱚᱨᱚᱢ ᱛᱚᱵᱮ ᱡᱤᱭᱟᱹᱲ ᱜᱚᱫᱚᱜ᱾

᱔ᱹ
ᱡᱟᱱᱟᱢ ᱨᱚᱲ ᱜᱮ ᱯᱟᱨᱥᱤ ᱛᱟᱢᱫᱚ
ᱨᱟᱹᱥᱠᱟᱹ ᱥᱟᱞᱟᱜ ᱨᱚᱲ ᱢᱮ ᱠᱷᱟᱨᱥᱟᱞᱟᱜ ᱫᱚ᱾
ᱵᱚᱸᱜᱟᱼᱵᱩᱨᱩ ᱫᱮᱵᱟ ᱥᱮᱵᱟ ᱫᱷᱚᱨᱚᱢᱼᱠᱚᱨᱚᱢ,
ᱥᱟᱹᱨᱤ ᱥᱚᱛᱟᱜ ᱨᱚᱲ ᱥᱟᱹᱨᱤ ᱫᱷᱚᱨᱚᱢ᱾

Written by ᱫᱩᱜᱟᱹᱭ ᱴᱩᱰᱩ
Published on Holong Gada (Jul – Dec, 2010)