ᱵᱩᱨᱩ ᱫᱷᱟᱨ ᱚᱲᱟᱜ ᱛᱟᱞᱮ

ᱵᱩᱨᱩ ᱫᱷᱟᱨ ᱚᱲᱟᱜ ᱛᱟᱞᱮ,
ᱫᱷᱤᱨᱤ ᱞᱮᱠᱟ ᱠᱮᱴᱮᱡ ᱢᱮᱱᱟᱜ ᱛᱟᱞᱮ,
ᱦᱩᱰᱤᱧ ᱢᱟᱪᱷᱟ ᱜᱷᱟᱨᱚᱸᱡᱽ ᱛᱟᱞᱮ,
ᱵᱟᱹᱫᱼᱵᱟᱹᱭᱦᱟᱹᱲ ᱠᱟᱹᱢᱤ ᱛᱟᱞᱮ,
ᱵᱩᱨᱩ ᱫᱷᱟᱨᱮ ᱚᱲᱟᱜ ᱛᱟᱞᱮ᱾

ᱥᱤᱛᱩᱝ ᱞᱚᱞᱚ ᱰᱟᱜ ᱡᱟᱹᱯᱩᱫ ᱠᱟᱹᱢᱤ ᱭᱟᱞᱮ,
ᱥᱚᱨᱮᱱ ᱫᱷᱚᱱ ᱟᱨᱡᱟᱣ ᱟᱞᱮ,
ᱡᱤᱭᱚᱱ ᱥᱩᱞᱩᱠ ᱵᱮᱱᱟᱣᱟᱞᱮ,
ᱵᱩᱨᱩ ᱫᱷᱟᱨᱮ ᱚᱲᱟᱜ ᱛᱟᱞᱮ᱾

ᱫᱚᱠᱛᱟ ᱯᱩᱸᱜᱤ ᱧᱩ ᱵᱟᱜᱤᱭᱟᱞᱮ,
ᱯᱟᱹᱨᱣᱟᱹ ᱦᱟᱺᱰᱤ ᱧᱩ ᱦᱤᱲᱤᱧᱟᱞᱮ,
ᱱᱟᱣᱟ ᱜᱷᱟᱨᱚᱸᱡᱽ ᱵᱮᱱᱟᱣᱟᱞᱮ,
ᱱᱤᱥᱟᱹ ᱵᱟᱹᱱᱩᱜ ᱫᱩᱞᱟᱹᱲ ᱜᱷᱟᱨᱚᱸᱡᱽ ᱧᱩᱛᱩᱢᱟᱞᱮ,
ᱵᱩᱨᱩ ᱫᱷᱟᱨᱮ ᱚᱲᱟᱜ ᱛᱟᱞᱮ᱾

ᱨᱟᱹᱜᱤᱼᱟᱹᱲᱤᱥ ᱦᱤᱸᱥᱟᱹᱼᱥᱩᱭᱟᱹ ᱵᱟᱹᱱᱩᱜ ᱛᱟᱞᱮ,
ᱥᱟᱱᱟᱢ ᱦᱚᱲ ᱢᱤᱫ ᱜᱮ ᱢᱮᱱᱟᱜ ᱞᱮᱭᱟ ᱥᱩᱞᱩᱠ ᱛᱮ,
ᱛᱤᱱᱟᱹᱜ ᱠᱩᱥᱤ, ᱛᱤᱱᱟᱹᱜ ᱨᱟᱹᱥᱠᱟᱹ ᱢᱮᱱᱟᱜ ᱛᱟᱞᱮ,
ᱵᱩᱨᱩ ᱫᱷᱟᱨᱮ ᱚᱲᱟᱜ ᱛᱟᱞᱮ᱾

ᱩᱸᱴ ᱫᱮᱭᱟ ᱞᱮᱠᱟ ᱩᱥᱩᱞ ᱵᱩᱨᱩ ᱛᱟᱞᱮ,
ᱫᱤᱱᱟᱹᱢ ᱜᱮ ᱥᱟᱨᱟᱵᱮᱲᱟᱭ ᱩᱯᱠᱟᱹᱨ ᱠᱟᱞᱮ,
ᱵᱩᱨᱩ ᱫᱷᱟᱨᱮ ᱟᱹᱛᱩ ᱛᱤᱱᱟᱹᱜ ᱱᱟᱯᱟᱭ ᱛᱟᱞᱮ,
ᱵᱩᱨᱩ ᱫᱷᱟᱨᱮ ᱚᱲᱟᱜ ᱛᱟᱞᱮ᱾

ᱫᱷᱤᱨᱤ ᱞᱮᱠᱟ ᱠᱮᱴᱮᱡ ᱢᱮᱱᱟᱜ ᱟᱥᱲᱟ ᱛᱟᱞᱮ,
ᱥᱟᱱᱟᱢ ᱦᱚᱲ ᱥᱮᱪᱮᱫ ᱜᱮᱭᱟᱱ ᱟᱨᱡᱟᱣ ᱟᱞᱮ,
ᱢᱟᱨᱟᱝ ᱦᱚᱲ ᱠᱚ ᱫᱟᱲᱮ ᱛᱮ ᱢᱟᱨᱟᱝ ᱵᱮᱱᱟᱜ ᱟᱞᱮ,
ᱥᱟᱶᱛᱟ ᱥᱩᱥᱟᱹᱨ ᱠᱩᱠᱢᱩ ᱛᱟᱞᱮ᱾

Written by ᱥᱟᱨᱡᱮᱱ ᱦᱮᱸᱵᱽᱨᱚᱢ
Published on Souvenir, 8th International Santal Conference – 2018