ᱟᱞᱮ ᱜᱟᱰᱟ

ᱟᱞᱮ ᱜᱟᱰᱟ ᱵᱟᱝ ᱦᱩᱰᱤᱧᱟ
ᱟᱹᱰᱤ ᱦᱚᱸ ᱵᱟᱝ ᱞᱟᱹᱴᱩ
ᱥᱮᱨᱮᱧ ᱟᱛᱮ ᱞᱤᱸᱡᱤ ᱥᱮᱱᱚᱜ
ᱥᱩᱨᱛᱮ ᱟᱞᱮ ᱟᱹᱛᱩ᱿

ᱵᱟᱝ ᱨᱚᱦᱚᱲᱚᱜ ᱥᱤᱛᱩᱢ ᱫᱤᱱ
ᱡᱟᱹᱯᱩᱫ ᱨᱮᱫᱚ ᱵᱟᱱᱚᱜ
ᱞᱮᱜᱮᱢ ᱞᱮᱜᱮᱢ ᱫᱟᱜ ᱞᱤᱸᱡᱤᱱᱟ
ᱠᱤᱞᱚᱝ ᱰᱚᱞᱚᱝ ᱥᱮᱱᱚᱜ᱿

ᱚᱠᱟ ᱠᱚᱨᱮ ᱪᱚᱝ ᱦᱩᱴᱩᱵ ᱫᱷᱤᱨᱤ
ᱚᱠᱟ ᱠᱚᱨᱮ ᱪᱚᱝ ᱜᱤᱛᱤᱞ
ᱦᱩᱰᱤᱧ ᱦᱩᱰᱤᱧ ᱯᱩᱸᱰ ᱫᱷᱤᱨᱤ ᱫᱚ
ᱧᱮᱞᱚᱜ ᱡᱮᱞᱮᱠ ᱤᱛᱤᱞ᱿

ᱟᱹᱨᱥᱤ ᱞᱮᱠᱟᱱ ᱥᱟᱯᱷᱟ ᱫᱟᱜ
ᱞᱤᱸᱡᱤ ᱥᱮᱱᱚᱜᱼᱟ
ᱫᱤᱱᱟᱹᱢ ᱟᱞᱮ ᱟᱹᱛᱳ ᱦᱚᱲ
ᱚᱸᱰᱮ ᱞᱮ ᱩᱢᱩᱜᱼᱟ᱿

Written by ᱥᱭᱟᱢ ᱥᱤᱹ ᱴᱩᱰᱩ ‘ᱦᱤᱥᱤᱫ ᱦᱚᱭ’
Published on Arsi (ᱥᱟᱱ – ᱫᱟᱥᱟᱸᱭ, 2013)