ᱡᱷᱟᱨᱠᱷᱚᱸᱰ ᱫᱤᱥᱚᱢ ᱨᱮ

ᱡᱷᱟᱨᱠᱷᱚᱸᱰ ᱫᱤᱥᱚᱢ ᱨᱮ
ᱥᱟᱱᱛᱟᱲᱤ ᱯᱟᱹᱨᱥᱤ ᱜᱮ
ᱨᱟᱡᱽᱵᱷᱟᱥᱟ ᱦᱩᱭ ᱦᱚᱪᱚᱭᱟᱵᱚᱱ᱾

ᱡᱤᱣᱤ ᱪᱟᱞᱟᱜ ᱨᱮᱦᱚᱸ
ᱢᱟᱭᱟᱢ ᱞᱤᱸᱜᱤᱜ ᱨᱮᱦᱚᱸ
ᱨᱟᱡᱽᱵᱷᱟᱥᱟ ᱦᱚᱠ ᱟᱹᱫᱟᱹᱭ ᱟᱵᱚᱱ᱾

ᱟᱵᱚᱣᱟᱜ ᱫᱤᱥᱚᱢ ᱨᱮ
ᱟᱵᱚ ᱵᱚᱱ ᱨᱟᱡᱚᱜ-ᱟ
ᱨᱟᱡᱽ ᱟᱹᱫᱟᱹᱭ ᱞᱟᱹᱲᱦᱟᱹᱭ ᱟᱵᱚᱱ᱾

ᱡᱷᱟᱨᱠᱷᱚᱸᱰ ᱫᱤᱥᱚᱢ ᱫᱚ ᱟᱵᱚᱣᱟᱜ
ᱱᱚᱰᱮ ᱫᱚ ᱮᱴᱟᱜ ᱠᱚᱣᱟᱜ
ᱨᱟᱡᱽ ᱫᱚ ᱵᱟᱵᱚᱱ ᱪᱟᱞᱟᱣ ᱦᱚᱪᱚᱣᱟᱜ-ᱟ᱾

ᱡᱷᱟᱨᱠᱷᱚᱸᱰ ᱫᱤᱥᱚᱢ ᱨᱮ
ᱟᱵᱚᱣᱟᱜ ᱯᱟᱹᱨᱥᱤ ᱥᱟᱶᱦᱮᱫ
ᱞᱟᱭ ᱞᱟᱠᱪᱟᱨ ᱵᱟᱧᱪᱟᱣ ᱟᱹᱭᱫᱟᱹᱨ
ᱥᱟᱱᱟᱢᱟᱜ ᱡᱟᱹᱨᱤ ᱚᱠᱛᱚ ᱥᱮᱴᱮᱨ ᱟᱠᱟᱱ᱾

Written by ᱟᱫᱤᱛᱭᱚ ᱠᱩᱢᱟᱨ ᱢᱟᱱᱰᱤ
Published on ᱡᱟᱱᱟᱢ ᱟᱭᱳ