ᱡᱚᱞᱚᱱ

ᱦᱩᱰᱤᱧ ᱦᱩᱰᱤᱧ ᱠᱷᱚᱱᱟᱜ ᱤᱧ,
ᱯᱟᱲᱦᱟᱣᱮᱱᱟ ᱦᱤᱱᱫᱤ ᱤᱝᱜᱽᱞᱤᱥ ᱛᱮ,
ᱡᱟᱱᱟᱢ ᱯᱟᱹᱨᱥᱤ ᱨᱚᱲᱤᱧ ᱦᱤᱲᱤᱧ ᱠᱮᱫ,
ᱛᱟᱸᱦᱮᱭᱮᱱᱟᱹᱧ ᱥᱟᱹᱜᱤᱧ ᱫᱤᱥᱚᱢ ᱨᱮ᱾

ᱫᱤᱥᱚᱢ ᱦᱚᱲ ᱠᱚ ᱞᱟᱸᱫᱟ ᱦᱟᱹᱧᱟ,
ᱮᱴᱟᱜ ᱯᱟᱹᱨᱥᱤ ᱨᱤᱱ,
ᱠᱩᱞᱤᱭᱤᱧᱟ ᱠᱚ ᱚᱴᱟ ᱞᱮᱠᱟᱱ,
ᱯᱟᱹᱨᱥᱤ ᱛᱟᱯᱮ ᱚᱠᱟ ᱞᱮᱠᱟᱱ ᱨᱚᱲ᱾

ᱟᱭᱳ ᱵᱟᱵᱟᱧ ᱠᱩᱞᱤ ᱠᱤᱱᱟ,
ᱫᱤᱠᱩ ᱛᱮᱜᱮ ᱠᱤᱱ ᱨᱚᱲ,
ᱵᱟᱝᱤᱧ ᱵᱟᱰᱟᱭ ᱟᱞᱮ ᱥᱟᱶᱛᱟ ᱨᱮᱱᱟᱜ,
ᱵᱟᱝ ᱤᱧ ᱵᱟᱰᱟᱭ ᱡᱟᱱᱟᱢ ᱚᱞᱨᱚᱲ᱾

ᱚᱠᱚᱭ ᱟᱫᱚᱧ ᱠᱩᱞᱤᱭᱮ,
ᱚᱠᱚᱭ ᱫᱚ ᱵᱟᱹᱧ ᱠᱩᱞᱤ ᱭᱮ,
ᱚᱠᱟ ᱨᱮ ᱚᱯᱟᱫ ᱛᱟᱞᱮ
ᱱᱚᱣᱟ ᱡᱮᱜᱮᱛ ᱨᱮ ᱛᱤᱱᱟᱹᱜ ᱞᱮ ᱥᱟᱸᱜᱮ᱿

Written by ᱢᱚᱱᱳᱡᱽ ᱦᱮᱢᱵᱨᱚᱢ
Published on Holong Gada (Jan – Jun, 2011)