ᱰᱟᱺᱜᱽᱣᱟᱹ ᱢᱚᱱᱮ

ᱰᱟᱺᱜᱽᱣᱟᱹ ᱢᱚᱱᱮ ᱫᱚ
ᱫᱩᱞᱟᱹᱲ ᱜᱟᱛᱮ ᱞᱟᱹᱜᱤᱫ
ᱵᱟᱱ ᱜᱟᱰᱟ ᱞᱮᱠᱟ ᱪᱷᱤᱞᱠᱟᱹ ᱪᱷᱤᱞᱠᱤ
ᱯᱮᱨᱮᱡ ᱟᱦᱟᱨ ᱞᱮᱠᱟ ᱪᱮᱦᱮᱞ ᱪᱮᱯᱮᱞᱚᱜ᱾

ᱜᱟᱺᱜᱽᱣᱟᱹ ᱢᱚᱱᱮ ᱫᱚ
ᱫᱩᱞᱟᱹᱲ ᱜᱟᱛᱮ ᱞᱟᱹᱜᱤᱫ
ᱩᱰᱟᱹᱜ ᱨᱤᱢᱤᱞ ᱞᱮᱠᱟ ᱦᱟᱣᱟ ᱦᱟᱹᱣᱤ
ᱦᱚᱭ ᱵᱟᱹᱨᱰᱩ ᱞᱮᱠᱟ ᱜᱩᱨᱞᱟᱹᱣ ᱟᱹᱪᱩᱨᱚᱜ᱾

ᱰᱟᱺᱜᱽᱣᱟᱹ ᱢᱚᱱᱮ ᱫᱚ
ᱫᱩᱞᱟᱹᱲ ᱜᱟᱛᱮ ᱞᱟᱹᱜᱤᱫ
ᱵᱩᱨᱥᱤ ᱥᱮᱸᱜᱮᱞ ᱞᱮᱠᱟ ᱡᱤᱣᱤ ᱫᱚ ᱞᱚᱜ
ᱡᱷᱟᱨᱱᱟ ᱫᱟᱜ ᱞᱮᱠᱟ ᱢᱮᱫᱫᱟᱜ ᱡᱚᱨᱚᱜ᱾

ᱰᱟᱺᱜᱽᱣᱟᱹ ᱢᱚᱱᱮ ᱫᱚ
ᱵᱤᱨ ᱵᱩᱨᱩ ᱜᱟᱡᱟᱲ ᱼ
ᱜᱟᱰᱟᱼᱢᱩᱰᱩ ᱞᱤᱸᱡᱤ ᱧᱟᱯᱟᱢ ᱞᱮᱠᱟ
ᱜᱟᱹᱛᱮ ᱥᱟᱶ ᱧᱟᱯᱟᱢ ᱞᱟᱹᱜᱤᱫᱚᱜ᱾

Written by ᱥᱚᱨᱳᱡᱤᱱᱤ ᱦᱟᱸᱥᱫᱟᱜ
Published on ᱯᱟᱸᱡᱟ (Sep – Oct 2013)